Koordenadór GASC Hatuur Fatuk Inan Ba Konstrusaun Reabilitasaun Centru Formasaun No Nutrisaun Iha Bebunuk.

Dili 08 setembru 2025 : Segunda feira semana ne’e Koordenadór Gabinete Apoiu Sosiedade Sivíl hatuur fatuk inan ba ba konstrusaun reabilitasaun Centru Formasaun no Nutrisaun ne’ebé ninia benefisiáriu maka kongregasaun Escrava do Sagrado Coração de Jesus.
Liu husi lia fuan badak Irman Tam husi kongregasaun Escrava do Sagrado Coração de Jesus hateten katak, nia parte agradese tebes ba apoiu husi IX governu nia ba iha reabilitasaun sentru formasaun no nutrisaun husi kongregasaun Escrava dó Sagrado Coração de Jesus.
“nu’udar delegada kongregasaun nia iha Timor ha’u agradese tebes ba sr. Koordenadór GASC no obrigada ba ita boot sira nia laran luak hodi fó apoiu mai ami, atu ami bele hala’o projetu konstrusaun sentru ida ne’e, ita hatene katak, bainhira ami nia fatin hetan alargamentu Estrada ami labele hala’o ami nia atividade hodi te’in ba labarik sira”. Dehan Irman Tam.
Iha fatin hanesan Koordenadór Gabinete Apoiu Sosiedade Sivíl(GASC sigla portugés) Eng. Joaquim da Costa Freitas hateten, nia parte apresia ba irmán sira ne’ebé maka mai husi diferente nasaun hanesan Veitnam, Japaun, índia Filipina.
“apoiu ba konstrusaun ne’e instrumentu de’it, instrumentu ne’ebé maka irmán sira bele utiliza halo imi-nia misaun, entaun maluk sira hotu ne’ebé envolve iha prosesu ida ne’e liuliu kompañia sira ita asina ita kontente promesa ho espetativa ne’ebé aas tanba ami la’ós foin maka hare konstrusaun ida ne’e.” tenik Koordenadór GASC.
Enkuantu iha lansamentu fatuk inan ba konstrusaun ne’e hetan bénsaun husi amu Parókia Igreja Aimutin, no kompañia ne’ebé maka hala’o obra ne’e maka ILLO CONTRUCTION UNIPESSOAL LDA. 𝐑𝐄𝐌𝐀𝐓𝐀.
𝐈𝐧𝐟𝐨𝐫𝐦𝐚𝐬𝐚𝐮𝐧 𝐎𝐟𝐢𝐬𝐢𝐚́𝐥 𝐍𝐨 𝐀𝐭𝐮𝐚́𝐥 𝐇𝐮𝐬𝐢 𝐌𝐞́𝐝𝐢𝐚 𝐆𝐀𝐒𝐂