Dili 6 Novenbru 2025: Kinta feira fulan kotuk 30/10/2025 HDI hala’o Worksop Validasaun dadus kona-ba produsaun, konsumu esportasaun kafé iha Timor-Leste iha salaun FONGTIL Dili.
Enkuantu projetu ne’e hetan suporta husi IX Governu Konstituisional liu husi GASC, projetu refere implementa iha Munisípiu Ermera iha lokalizadu tolu (3) Postu Administrativu Ermera Villa iha suku Mertutu, Postu Administrativu Hatolia B Suku Urahou no Postu Administrativu Railako suku Matata no Benefiasiariu direita 32 abitantes, apoiu ba komunidade tuir ONG nia tarjeitu ne’e ba kafé hektar 32.
Relasiona ho atividade refere atu identifika saida mak akontese iha Timor-Leste liuliu ba valór kafé ne’e to’o iha ne’ebé.
Diretór Nasionál Kafe Plantasaun e Industria (sigla DKNPI) hateten nia parte Agradese ba ONG HDI ba peskiza kona-ba setór produsaun Kafe, tanba durante ne’e peskiza husi akadémiku sira maibé haree liu ba sientífiku, maibé ida realidade ne’ebé akontese iha baze haree liu ba produsaun kafé.
“iha tinan 2005 rendimentu kafé sai númeru 1, depois ita hetan mina no timor oan sira ba servisu iha li’ur Kafe agora sai rendimentu númeru 3, agora dadaun ita-nia kafé nia produsaun menus tebe-tebes, 100-200 kada hektar, aat liu mak ai mahon sira mate no ita konstrui hodi hodi taa ai sira hodi ba fa’an”. Tenik nia
Iha fatin hanesan Koordenadór Gabinete Da Apoiu Sosiedade Sivíl, (GASC sigla portugés) Eng. Joaquim da Costa Freitas hateten GASC tutela ba iha Vice-Primeiru Ministru, Ministro Coordenador dos Assuntos Sociais (MCAS), maibé kaodjuva mós ba Primeiru Ministru hotu,nune’e tin-tinan liu husi orsamentu jerál dó Estado GASC iha nia orsamentu ketak hodi halo atendimentu ba konfijoens piskopal, kongreasoens, assosiasoens ho fundasoens, hotu-hotu hatama proposta ba Gabinete halo selesaun hodi aprova se mak prienxe rekezitu ne’e bele sai parseiru.
“Kontestu NGO ne’e nia baze mak grupu la iha apoiu ida mak ba individu tanba ne’e ne’e ita lalika hakfodak haree sira halo grupu, balu grupu rega kafé , grupu kuda kafé lalika hakfodak ida enkuantu grupu la eziste GASC mós sei la aprova proposta, tanba karakter sosiedade ne’e kuaze hanesan tau naran hakarak, simu apoiu hakarak , servisu lakohi, maibé rezultadu tenke fahe ninia hotu, ne’ebé ikus mak ne’e servisu lakohi mas hakarak osan tenke nafatin.” Dehan koordenadór GASC 𝐑𝐄𝐌𝐀𝐓𝐀.
𝐈𝐧𝐟𝐨𝐫𝐦𝐚𝐬𝐚𝐮𝐧 𝐎𝐟𝐢𝐬𝐢𝐚́𝐥 𝐍𝐨 𝐀𝐭𝐮𝐚́𝐥 𝐇𝐮𝐬𝐢 𝐌𝐞́𝐝𝐢𝐚 𝐆𝐀𝐒𝐂
