𝐃𝐢𝐥𝐢, 𝟏8 𝐍𝐨𝐯𝐞𝐦𝐛𝐫𝐮 𝟐𝟎𝟐𝟓 : tersa feira semana ne’e NGOG Belun hala’o desiminasaun ba públiku iha munisípiu Dili Postu Administrativu Vera Cruz kona ba hamutuk haforsa Timor-Leste iha ASEAN.
Enkuantu atividade ne’e rasik hetan abertura husi Diretóra Nasionál Programa GASC Suzety
Liu husi introdusaun Diretór Belun Luis da Costa Ximenes hateten katak, ohin hamutuk iha postu Vera Cruz belun implementa atividade ida ne’e ba na’i suku sira no membru konsellu suku sira reprezentante komunidade, veteranus no eventu ida ne’e hanesan kontinuasaun atividade ne’ebé maka Belun hetan apoiu fundus husi Gabinete Apoiu Sosiedade Sivíl iha mahon Vise Primeiru Ministru nia.
“desiminasaun informasaun kona ba ASEAN ida ne’e sai hanesan prioridade ida prevee iha planu estratéjiku dezenvolvimentu nasionál, tinan 2011 to’o tinan 2030, ne’ebé kontinua apoiu ba iha prosesu tomak dezenvolvimentu liuliu relasiona ho ASEAN”. Tenik Luis.
Iha fatin hanesan Autoridade Postu Administrativu Vera Cruz Teresa hateten, nia parte husu ba partisipante sira atu entende didi’ak saida maka orsida ekipa husi Belun hato’o ba ita kona ba asuntu ASEAN.
“informasaun ne’e sai hanesan bukae ida ba ita , atu orsida ita boot sira fila fali ba informa fali ita-nia maluk sira ne’ebé maka ohin la partisipa, atu hato’o informasaun ne’ebé lolos”. Dehan Autoridade postu administrativu Vera Cruz
Iha fatin hanesan Koordenadór Gabinete Apoiu Sosiedade Sivíl( GASC sigla portugés) Eng. Joaquim da Costa Freitas hateten katak, governu kontinua apoiu liu husi Gabinete Apoiu Sosiedade Sivíl, kontinua fó apoiu inisiativa sira ne’e hodi ativamente ita-nia sosiedade sivíl bele hola parte eventu sira ne’ebé maka liga ho ASEAN.
“liga ba atividade ohin loron ne’e tanba, Belun organizasaun ida ne’ebé maka ativu iha APF no mós iha fulan hirak liu ba sira marka prezensa iha Malaysia hodi halo selebrasaun ida sosiedade sivíl nian ne’ebé maka simu Timor-Leste ba iha adezaun ida ne’e.” dehan koordenadór GASC
Rekorda katak atividade ne’ebé maka NGO Belun implementa ne’e hetan apoiu fundus husi Gabinete Apoiu Sosiedade Sivíl(GASC sigla portugés) 𝐑𝐄𝐌𝐀𝐓𝐀.
𝐈𝐧𝐟𝐨𝐫𝐦𝐚𝐬𝐚𝐮𝐧 𝐎𝐟𝐢𝐬𝐢𝐚́𝐥 𝐍𝐨 𝐀𝐭𝐮𝐚́𝐥 𝐇𝐮𝐬𝐢 𝐌𝐞́𝐝𝐢𝐚 𝐆𝐀𝐒𝐂
