𝐀𝐝𝐣𝐮𝐧𝐭𝐚 𝐊𝐨𝐨𝐫𝐝𝐞𝐧𝐚𝐝𝐨́𝐫𝐚 𝐆𝐀𝐒𝐂 𝐀𝐛𝐞𝐫𝐭𝐮𝐫𝐚 𝐅𝐨𝐫𝐦𝐚𝐬𝐚𝐮𝐧 𝐀𝐓𝐑-𝐓𝐋 𝐁𝐚 𝐆𝐫𝐮𝐩𝐮 𝐍𝐮́𝐤𝐥𝐞𝐮

𝐃𝐢𝐥𝐢 𝟎𝟕 𝐣𝐚𝐧𝐞𝐢𝐫𝐮 𝟐𝟎𝟐𝟓: tersa feira semana ne’e Adjunta Koordenadóra GASC Yasinta Lujina C. Das Regras hala’o abertura formasaun profisionál boa governasaun, jestaun báziku e administrasaun ne’ebé maka hala’o husi Asosiasaun Turizmu Relijiozu Timor-Leste ba grupu núkleu sira iha salaun IPTL Komoro.

Adjunta Koordenadóra GASC Yasinta Lujina C. Das Regras ba jornalista sira hateten katak, apoiu ne’ebé maka GASC fó ba iha ATR-TL iha tinan 2024 nia ne’e foka liu ba iha área formasaun ba grupu núkleu ne’ebé maka sira estabelese ona mai husi relijiaun lima.

Enkuantu Yasinta Lujina C. Das Regras aumenta katak, atividade formasaun ba grupu núkleu sira ne’e di’ak tebes oinsá maka atu hakbiit ka empodera komunidade sira liuliu mai husi relijiaun lima ne’ebé maka hola parte iha ATR-TL. 𝐑𝐄𝐌𝐀𝐓𝐀.