𝐃𝐢𝐥𝐢 𝟐9 𝐦𝐚𝐢𝐮 𝟐𝟎𝟐𝟓 :kinta feira semana ne’e organizasaun Sosiedade Sivíl hamutuk 15 kontinua asina akordu ho Gabinete Apoiu Sosiedade Sivíl (GASC sigla portugés) iha palásiu governu atu, iha ámbitu asina akordu ne’e organizasaun sosiedade sivíl ne’ebé maka pasa iha selesaun proposta apresia no agradese tebes ba apoiu IX governu konstitusionál nia liu husi GASC.
Liu husi intervensaun Diretóra Organizasaun Estrela+ Ines Sarmento Lopez hateten katak, fundus ne’ebé maka oferese husi GASC ne’e atu ajuda organizasaun sira hodi atinji hirak ne’ebé maka tau ona iha proposta laran.
“iha buat barak ne’ebé ita anota ona espera iha tinan ne’e ita sei hadi’a di’ak liu tan nune’e bele atinji objetivu sira hotu ho tulun ne’ebé maka GASC fó tuir kontratu ne’ebé maka iha, no agradese tebes ba GASC ne’ebé maka sei fó oportunidade mai ami hotu iha tinan ida ne’e.” dehan Diretóra organizasaun Estrela+
Iha fatin hanesan Koordenadór Gabinete Apoiu Sosiedade Sivíl (GASC sigla portugés) Eng. Joaquim da Costa Freitas komenta nia parte apresia ba Organizasaun Sosiedade Sivíl nebe’e kontinua sai parseiru ho Governu ba tinan ida ne’e.
“organizasaun ne’ebé maka foun kontinua halo nafatin komunikasaun intensivu ho Gabinete, no sira ne’ebé maka tuan halo melloramentu di’ak liu tan, no parseiru sira iha obrigatóriu tenke hatama relatóriu finanseiru no relatóriu narativu” Tenik Koordenadór GASC.
Por enkuantu Eng. Joaquim da Costa Freitas afirma katak, organizasaun sira ne’ebé maka hetan osan ki’ik implementa ho di’ak tinan oin mai bele hasa’e ninia orsamentu, ba organizasaun ne’ebé maka hetan fundus boot maibé implementa ladi’ak, sei hamenus ninia orsamentu iha tinan oin, ba sira ne’ebé maka halo ladi’ak no buka la hetan maka tinan oin mai bele lakon oportunidade ba parseria.
Enkuantu daudauk ne’e organizasaun sosiedade sivíl ne’ebé maka asina ona kontratu Gabinete Apoiu Sosiedade Sivíl hamutuk 71 ona. 𝐑𝐄𝐌𝐀𝐓𝐀.
𝗜𝗻𝗳𝗼𝗿𝗺𝗮𝘀𝗮𝘂𝗻 𝐨𝐟𝐢𝐬𝐢𝐚́𝐥 𝙼𝗲́𝗱𝗶𝗮 𝐆𝐀𝐒𝐂
